Со посебно задоволство споделуваме фотографии од наградените деца на традиционалниот 14-ти по ред ликовен конкурс за Меѓународната ликовна изложба за деца и младинци „Флора и фауна – извор на животот и убавината“ организирана од Детскиот ликовен центар - Скопје со поддршка на Министерството за животна средина и просторно планирање.
Импресионирани и пресреќни сме од визијата и моќта на детската креативност, каде преку ликовниот израз нашите добитници на Дипломи за освоено прво, второ и трето место, успеаа да ја пренесат љубовта кон флората, фауната и животната средина и потребата да се заштити истата. Нивните пораки и визии се наши водилки на патот кон поздрава, почиста и заштитена животна средина. Благодарни сме Ви за тоа!
Честитки до Моника, Стела и Калина, нека Ви се множат успесите!
